عدالت کے حکم پر ہی سلمان خان پر کیس درج:سٹی پولیس کمشنر

حیدرآباد۔20۔دسمبر (اعتماد نیوز)سٹی پولیس کمشنر انوراگ شرما نے آج بالی ووڈ اداکار سلمان خان پر انکے شو بگ باس میں مسلمانوں کے جذبات کو مجروح کرنے والے الفاظ کے استعمال پر میڈیا سے کہا کہ سلمان خان پر عدالت کے حکم کے تحت ہی کیس درج کیا گیا۔ انہوں نے کہا کہ سلمان خان کے علاوہ اس شو کے ڈائرکٹر رجت روالی پر بھی کیس درج کیا گیا۔ سٹی پولیس کمشنر نے کہا کہ قانونی



ماہرین سے بات چیت کے بعد ہی مابعد کاروائی کی جائیگی۔ اس کیس کے متعلق فصیح الدین نامی ایک تاجر نے فلک نما پولیس اسٹیشن سے رجوع ہوئے ۔ تاہم آج میٹرو پالیٹین عدالت نے فلک نما پولیس کو سلمان خان پر کیس درج کرنے کی ہدایت دی ۔ جس پر فلک نما پی ایس میں کیس درج کیا۔ بتایا جاتا ہے کہ سلمان خان نے اپنے شو بگ باس میں جنت اور دوزخ سے متعلق مسلمانوں کے جذبات کو مجروح کردینے والے الفاظ کا استعمال کیا۔